Friday the 13th

تصدقون بسالفة ال13 من الشهر الي يصادف يوم الجمعة ؟

Friday the 13th

-

يقولون تصير اشياء مو زينة بهاليوم

او على قولتهم يوم الحظ السيء او الحظ الجيد

"bad luck day or good luck day"

-

وهني بعض المواقع الي تتكلم عن معتقداتهم

-

Wikipedia

-

howstuffworks

-

paranormalknowledge.com

-

في الموضوع google وهذا لنك سريع عن بحث

-

وبحكم هالسالفة او المعتقد ... نزلوا فلم! فلم رعب

:)

ادري انه كل هذا من كلام ناس مو من دينا الاسلامي
بس في ناس مصدقين السالفة ويمكن صج صار فيهم شي بهاليوم
فإلي مو مصدق يقول ليش والي مصدق يقول شنو صار فيه بمثل هاليوم

وشنو رايكم بالمعتقد هذا

:)

ملاقتي :)

اول شي خل اسولف لكم عن اللعبة الي رحت لها قبل جم يوم والي اهي

bossaball

هاذي صورة منهاAUK

هني فريق الجامعة الامريكية قاعد يلعب مع فريق اسبانيا

GUST هم فريق جامعتي

لعب بس صار بليل وما قدرت اصور الاضاءة قوية

وكان فريق البرازيل ضدنا طبعا ابدعوا (البرازيل اكيد

وهم فريقنا عشان لا يزعلون

ماكملت المباراة ولا عرفت النتيجة وطلعت

لانه المكان والقعدة تملل . ولا المباراة حلوة

طبعا هاذي اول مباراة احظرها بحياتي (كلش مو صوب الكرة

-------------------------------------------

ايييييي صج تعالوا واصلي ايميل قبل جم يوم

اكيد واصل حق ناس وايد

شفتوا "مستر بيين" المينون الي نضحك عليه

....

شوفوا بيته

لحظة قبل لا تقولون شي... خل اذكركم بويهه

والحين شوفوا بنته

his daughter بالانجليزي

.

.

.

.

.

.

تفضلوا

طاع الويه طاع الجسم .... بس جذي رحنا بعيد لازم نوقف

Gemma Atkinson

مابي آخذ آثام فلما تدورون صورها حطوا

safe search

لانها عارضة ازياء بعد

شسوي يعني .... انتحر

تكفة طاع ويهه

ايييييييييييييههه ... انا مااقول الا "مالت عالبامية ام السناسين

تكملة النادي الصحي

دشينا مكان حوض السباحة ... ولا في واحد قاعد ياخذله دوش عقب السباحة وكان ماخذ راحته يعني منزل الشورت ولما شافنا قال

لحظة لحظة

انا لما شفته ماخذ راحته لفيت عطيته ظهري وجابلت رفيجي ... رفيجي كان بعده مو شايفه ويقولي

شفيك؟ شفيك فجأة لفيت ...

وانا اقوله : شلونك شخبارك

... يقولي انت شفيك ينيت

كمل جان يشوفه

اهني ويه رفيجي تغير 360 درجة وانا ويهي قام يقط الوان فيني ضحكة شكبرهاااااااااااااااااا

بقدرة قادر قدرنا نقمت الضحكة وعلى ما طلع احنا رحنا طبينا الحوض

! واول ما طلع انفجرنا

نغوص نضحك تحت الماي ونرد نطلع نضحك برة الماي يمكن نص ساعة واحنا نضحك

فلو سمحتوا الي مشترك بنادي صحي لا ياخذ راحته لي هالدرجة

----------------

ترى السالفة تقريبا طاف عليها سنتين يالله كتبت التكملة من جذي ما قدرت اييب صور النادي

النادي الصحي

مرة رفيجي قاعد يقولي انه يبي يشترك بنادي صحي ويبيني اشترك معاه
اوكي
اشتركت معاه وكان في واحد ثاني ويانا مشترك من الربع
طبعا اول ما دشينا النادي كلمنا الريال إلي انا مو متأكد انه ريال
:)
المهم
كنا نبي نسأله عن طريقة التسجيل ونبي نعرف كل شي
رفيجي مو وايد بالإنجليزي ورايح يبي يسأل إلي بالرسبشن عن النادي فتوهق وقام يخربط
انا ويا رفيجي الثاني قاعدين نطالعه ونضحك
بس اشوا عدت السالفة على خير... رقعتها حقه
تقريبا مر اسبوعين على اشتراكنا

يوم نروووح ويوم لأ

بس في يوم من الأيام كنت بس انا ورفيجي إلي قال انه بيشترك رايحيين النادي ورفيجي الثاني مايقدر إيي ويانا
ماكو شغل... رحنا (غرف التبديل) بدلنا هدومنا عشان نروح حق حوض السباحة مال النادي الصحي
وصلنا حق الحوض عبالنا ما في احد
بس
كان في واحد قاعد ياخذ دوش

احنا وصلنا تقريبا صوب الحوض
ما نسمع إلا واحد قاعد يصارخ؟؟؟

:يقول
...............................(لحظة....لحظة)

راح اكمل السالفة بالبوست القادم وراح احطلكم صور النادي الصحي
<: